March 13, 2015

«Օրական մի բարի գործ կատարիր»

Ամբողջ աշխարհում սկաուտների և գայդերի կարգախոսն է «Օրական մի բարի գործ կատարիր»: Ի թիվս մնացած հատկանիշների, սկաուտներն ու գայդերը մեծապես կարևորում են հասարակական ծառայություն մատուցելը, ընկերասիրությունը, հավատարմությունը, բույսերին և կենդանիներին պաշտպանելու, սիրելու ունակությունն, աշխատասիրությունը և, իհարկե, կրթությունն ու միմյանց օգնելու գաղափարը:

Հարյուրամյա շարժման հին և բարի ավանդույթները չեն փոխվել. նրանք մնայուն են և արդիական պատմության ցանկացած ժամանակահատվածում: Շարժման շարունակական լինելու գաղտնիքներից մեկը համագործակցությունն է աշխարհի տարբեր ծայրերում գործող սկաուտների և գայդերի հետ, կրթության նկատմամբ մեծ ուշադրությունը, որը բացում է մեծ դռներ տղաների և աղջիկների համար:

Հաշվի առնելով հասարակության առջև ստանձնած բարին կատարելու, կրթությանն օժանդակելու պատասխանատվությունը՝ այս անգամ Աղջիկ սկաուտների և գայդերի «Աստղիկ» ազգային միավորումը՝ համագործակցելով Ճապոնիայի աղջիկ սկաուտների հետ, որոշեց Արմավիր մարզի, Այգեշատ գյուղի Յուրա Հովհաննիսյանի անվան միջնակարգ դպրոցի  այն աշակերտներին, ովքեր չեն կարողանում հաճախել դպրոց կոշիկ չունենալու պատճառով, ապահովել կոշիկներով 24 դպրոցականի:

Կոշիկների համար նախատեսված գումարը հավաքվել է Ճապոնիայի աղջիկ սկաուտների և գայդերի ձեռքի աշխատանքների վաճառքի արդյունքում:


Այսօր այս բարի այցով Հայաստանի աղջիկ սկաուտներն հանդիպեցին դպրոցականներին, ծանոթացան և մեծ ուրախությամբ նվիրեցին անակնկալ-նվերները: Երեխաների ուրախ աչքերից և բազմաթիվ շնորհակալական խոսքերից կարելի է փաստել, որ այսօրվա բարի գործն կարելի է համարել ստացված:

March 9, 2015

"Free Being Me" ճամբար-փառատոն



Մեկ այլ հնարավորություն կազմակերպության 16 տարին լրացած անդամների համար ծանոթանալու “Free being me” ծրագրին:
Այն տեղի է ունենալու ս.թ. օգոստոսի 16-ից 22-ին համաշխարհային կենտրոններից մեկում՝ SANGAM-ում, Հնդկաստանում: 

Ճամբար-փառատոնի շրջանակներում մասնակիցները կծանոթանան “Free being me” ծրագրին հետաքրքիր և զվարճալի փորձությունների միջոցով՝ բարձրացնելով սեփական անձի գնահատականը և վստահությունը սեփական մարմնի նկատմամբ


Այս անգամ “Free being me” ծրագրի շրջանակներում ձեռք բերված գիտելիքները և հմտությունները մասնակիցները կկիրառեն գործնականում՝  տեղական Pune համայնքի երեխաների համար: 

Մասնակցելով միջազգային միջոցառմանը կծանոթանաք նաև Հնդկաստանի մշակույթին, ձեռք կբերեք ընկերներ աշխարհի տարբեր երկրներից, կվայելեք Հնդկաստանի աստղազարդ գիշերները, կհաղթահարեք մի շարք փորձություններ:

Լրացված դիմում-հայտերը որքան հնարավոր է շուտ պետք է ուղարկել հետևյալ էլ.հասցեով ՝ ic@astghik.org: