Մարտի 6-ին ԱՍԳԱՄ "Աստղիկ"-ը մասնակցեց Հայաստանի երիտասարդ կանանց ասոցիացիայի կողմից կազմակերպված բարեգործական ցուցահանդես վաճառքին` նվիրված կանանց միամսյակին: Ցուցահանդեսին իրենց արտադրանքներով (կերամիկա, ձեռագործ աշխատաքններ, զարդեր, դեկորատիվ պարագաներ, նկարներ և այլն) մասնակցում էին տարբեր կազմակերպություններ և անհատներ: ԱՍԳԱՄ "Աստղիկ"-ի կամավորները ցուցահանդեսի ժամանակ հյուրերին պատմեցին սկաուտության մասին, ներկայացրեցին կազմակերպությունը: Կազմակերպությունը նույնպես ներկայացել էր տարաբնույթ աշխատանքներով, որոնք հիմնականում պատրաստված էին կազմակերպության անդամների կողմից:
Միջոցառման վերջում Հայաստանի երիտասարդ կանանց ասոցիացիայի կողմից ԱՍԳԱՄ "Աստղիկ"-ին շնորհվեց շնորհակալագիր` բարեգործական ցուցահանդես-վաճառքին ունեցած մասնակցության և երիտասարդ կանանց շրջանում տնտեսական մասնակցության խթանմանն աջակցելու համար:
No comments:
Post a Comment